গুৱাহাটী, ৯ এপ্ৰিল: অসম বিশ্ববিদ্যালয়ত ব’হাগ বিহুৰ বন্ধ নিদিয়াক লৈ প্ৰতিক্ৰিয়া ব্যক্ত কৰিছে অসম জাতীয় পৰিষদে। আজি এক প্ৰেছবাৰ্তাত দলটোৰ সভাপতি লুৰীণজ্যোতি গগৈ আৰু সাধাৰণ সম্পাদক জগদীশ ভূঞাই কয়, ‘অসম চুক্তিৰ ফলশ্ৰুতিত প্ৰতিষ্ঠা লাভ কৰা অসম বিশ্ববিদ্যালয়ত ব’হাগ বিহুৰ বন্ধ নথকাটো দুৰ্ভাগ্যজনক। জাতীয় উৎসৱ আৰু জাতীয় আৱেগ ব’হাগ বিহুক লৈ অসম বিশ্ববিদ্যালয়ৰ এই উদাসীনতা কেৱল বিস্ময়কৰেই নহয়, লগতে চিন্তনীয়ও। বৰাক-ব্ৰহ্মপুত্ৰ উপত্যকাৰ সমন্বয়ৰ বাহক হৈ অহা অসম বিশ্ববিদ্যালয়ত ব’হাগ বিহুৰ বন্ধ ঘোষণা নকৰি বিশ্ববিদ্যালয় কৰ্তৃপক্ষই অসমীয়া জাতিৰ স্বাভিমানক আঘাত কৰিছে।” উল্লেখযোগ‍্য যে যোৱা বছৰৰ ডিচেম্বৰ মাহত প্ৰকাশিত অসম বিশ্ববিদ্যালয়ৰ ২০২৫ চনৰ বাৰ্ষিক বন্ধৰ তালিকাৰ ১ ক্ৰমিক নম্বৰতে মকৰ সংক্ৰান্তি আৰু পোংগলৰ সৈতে মাঘ বিহুৰ এদিনীয়া বন্ধৰ কথা উল্লেখ কৰা হৈছে যদিও

  বৃহস্পতিবাৰে নিশা কয়াকুছি বজাৰত বিধ্বংসী অগ্নিকাণ্ডৰ ফলত প্ৰায় শতাধিক ব্যৱসায় প্ৰতিষ্ঠান সম্পূৰ্ণৰূপে ভস্মীভূত হয়। পুৱতি নিশা সংঘটিত হোৱা এই অগ্নিকাণ্ডৰ ফলত কেইবা কোটি টকাৰ সা-সামগ্ৰীৰ ভস্মীভূত হয়। স্থানীয় ৰাইজৰ তৎপৰতা আৰু অগ্নিনিৰ্বাপক বাহিনীয়ে জুই নুমুৱাবলৈ সক্ষম হয় যদিও শতাধিক ব্যৱসায় প্ৰতিষ্ঠান সম্পূৰ্ণৰূপে ভস্মীভূত হয়। বছৰৰ দুবাৰকৈ কিয় কয়াকুছি বজাৰত বিধংসী অগ্নিকাণ্ড ঘটনা সংঘটিত হয় ইয়াকলৈ প্ৰশ্ন উত্থাপন কৰিছে বিভিন্নজনে। আনহাতে কেইবাটাও কথা লক্ষ্য কৰি এই অগ্নিকাণ্ডক এক ৰহস্যজনক অগ্নিকাণ্ড বুলি উল্লেখ কৰে ৰাইজৰ দলৰ নেতা মনিৰুজ জামানে জিলা প্ৰশাসনৰ লগতে স্থানীয় বিধায়কলৈ প্ৰশ্ন উত্থাপন কৰি ঘটনাৰ দিনালৈকে ভাল থকা দমকলৰ হেণ্ডেল ভঙা, চি চি টি ভিৰ তাৰ কটা আদি প্ৰত্যক্ষ কৰি এই অগ্নিকাণ্ড পৰিকল্পিত আৰু ৰহসজনক বুলি ৰাইজৰ দলৰ

  এক ব্যতিক্ৰমী চিন্তাৰে কংক্ৰীটৰ মহানগৰী গুৱাহাটীৰ যুৱ সমাজকৰ্মী আবিদ আজাদৰ নেতৃত্বত আৰু কেইবাগৰাকী বিশিষ্ট ব্যক্তিৰ সহযোগত চলি আছে এক মানৱীয় কাৰ্যসূচী । অসমৰ ৰাজধানী চহৰ গুৱাহাটী মহানগৰীৰ অগ্ৰণী স্বেচ্ছাসেৱী সংগঠন ‘ৰেইনড্ৰপছ ইনিচিয়েটিভ’ৰ উদ্যোগত পৱিত্ৰ ৰমজান মাহ উপলক্ষে ৰোগীৰ সৈতে থকা নিকটাত্মীয়ক ইফতাৰ আৰু চেহেৰী যোগান ধাৰাবাহিক ভাৱে চলি আছে । অনুষ্ঠানটোৱে ইতিমধ্যে ক’ভিদ কালৰ জটিল সন্ধিক্ষণৰ পৰা বৰ্তমানলৈকে মানুহৰ মাজত আঢ়ৈ লাখৰো অধিক প্লেট খাদ্য যোগান ধৰিছে । ‘ৰেইনড্ৰপছ ইনিচিয়েটিভ’ নামৰ সংস্থাটোৱে ক’ভিদৰ পৰা আৰম্ভ কৰি ৰঙালী বিহুৰ লগতে অন্যান্য বিহু, পূজা-পাৰ্বন, ৰমাজান মাহ আৰু অন্যান্য দিনতো জাতি-ধৰ্ম-বৰ্ণ-নিৰ্বিশেষে খাদ্য বিতৰণ কৰি অহাৰ লগতে গোটেই অসমত বৃক্ষ ৰোপণ আৰু প্ৰতিপালন কাৰ্যসূচী চলাই গৈ আছে । উক্ত কাৰ্যসূচীত কালি বৰপেটা জিলাৰ

বৰপেটা জিলাৰ চেঙা সমষ্টিৰ অন্তৰ্গত সুহাবিল দলনী গাঁৱৰ স্থায়ী বাসিন্দা বিশিষ্ট সমাজসেৱক, অৱসৰপ্ৰাপ্ত প্ৰধান শিক্ষক, অভিনেতা, ৰাজনীতিবিদ ছাহেদ আহমেদ আৰু নাই। শুকুৰবাৰে নিশা ১২-১০ বজাত আহমেদৰ পৰলোকপ্ৰাপ্তি ঘটে। প্ৰয়াত আহমেদে পালহাজী এল পি স্কুলৰ পৰা প্ৰাথমিক শিক্ষা সাং কৰি ভেল্লা উচ্চতৰ মাধ্যমিক বিদ্যালয়ৰ পৰা মেট্ৰিক পৰীক্ষাত উত্তীৰ্ণ হয়। তেওঁ পিছত ৰাষ্ট্ৰভাষা(হিন্দী)ত বিশাৰদ পাছ কৰি সুহাবিল দলনী এম ই মাদ্ৰাছাত শিক্ষকতা জীৱনৰ আৰম্ভণি কৰে। বিষয় শিক্ষক হিচাপে পাঠদান কৰিছিল যদিও পিছলৈ প্ৰধান শিক্ষক হিচাপে ২০১২ চনত অৱসৰ গ্ৰহণ কৰে। ছাত্ৰ অৱস্থাৰ পৰাই বিভিন্ন খেল-ধেমালিৰ লগত জড়িত আছিল যদিও অভিনয়তহে বিশেষকৈ পাকৈত আছিল প্ৰয়াত ছাহেদ আহমেদে। স্কুলীয় অনুষ্ঠানৰ ওপৰিও বিভিন্ন স্থানৰ নাট প্ৰতিযোগিতাত অভিনয় কৰি নিজৰ অভিনয়ৰ দক্ষতা দাঙি ধৰিবলৈ সক্ষম হৈছিল।

  হাউলীঃ নতুন ৰাষ্ট্ৰীয় শিক্ষা নীতি আৰু নিপুণ অসম আঁ‌চনিৰ লগত সংগতি ৰাখি আজি ভৱানীপুৰ শিক্ষাখণ্ডৰ বানিয়াৰাপাৰা মণ্ডল সমল কেন্দ্ৰৰ অন্তৰ্গত বাবৰ আলী মোল্লা এম ই মাদ্ৰাছাত এখনি মণ্ডল সমল কেন্দ্ৰ ভিত্তিক শিক্ষণ শিকণ সঁ‌জুলিৰ প্ৰদৰ্শনী( TLM Exhibition) অনুষ্ঠিত হয়। অনুষ্ঠানখনিত মণ্ডল সমল কেন্দ্ৰৰ অন্তৰ্গত বহুকেইখন বিদ্যালয়ে অংশ গ্ৰহণ কৰি তেওঁলোকে প্ৰস্তুত কৰা শিক্ষণ-শিকণ সঁ‌জুলিসমূহ প্ৰদৰ্শন কৰে। ৰাতিপুৱা এঘাৰ বজাৰ পৰা আৰম্ভ হোৱা উক্ত অনুষ্ঠানখনিত সমন্বয়কৰ ভূমিকাত উপস্থিত থাকে বাবৰ আলী মোল্লা এম ই মাদ্ৰাছাৰ প্ৰধান শিক্ষক মোঃ আব্বাছ আলীয়ে। প্ৰতিযোগিতামূলকভাৱে অনুষ্ঠিত হোৱা উক্ত প্ৰদৰ্শনীত প্ৰথম স্থান অধিকাৰ কৰে বাবৰ আলী মোল্লা এম ই মাদ্ৰাছা, দ্বিতীয় স্থান অধিকাৰ কৰে ১৫০৬ নং পশ্চিম বানিয়াৰাপাৰা প্ৰাথমিক বিদ্যালয় আৰু তৃতীয় স্থানত থাকে পূৱ